[幸晴遊世界 – 日本大阪 京都 奈良 鈴鹿 名古屋] 旅行總結

63794_1461642214bsv4

終於打晒遊記啦!

Day 1 到達日本關西機場 –> 心齋橋拉面(晚餐) — > 章魚丸
Day 2 黑門市場(早餐) –> 天保山動物館 –> gundam cafe (午餐) –> 京都 –> 鰻魚飯 (晚餐)
呢間鰻魚飯係京都好出名, 本來幸晴爸食完呢間狂讚好味(但食鰻魚醬多過食鰻魚既我覺得唔夠濃味), 結果去到名古屋食完鰻魚四食之後佢就立即改變想法, 狂讚名古屋既先係最好味….

63794_146164255398C4

京極かねよ 鰻魚飯

Day 3 和服體驗遊清水寺,花見小路(午餐),祇園,伏見 –> 京都菜(晚餐)
午餐係花見小路食, 除左有香噴噴牛肉鍋之外, 仲有豆腐鍋, 京都出名豆腐點都要試下啦! 幸晴呢餐可以跟我食豆腐鍋, 仲食得好滋味添

63794_1461642211bJLo

63794_1461642214bsv4

十二段家(花見小路店) : 京都府京都市東山區祇園町南側570−128

晚餐食平價京都菜, 除左勝在抵食之外, 仲要係地點方便, 係京都站地下街條食街, 京都菜雖然唔夠懷石料理精緻, 但對我地黎講已經好靚啦! 而且味道算清新, 幸晴可以跟我地食白飯, 燉蛋, 豆腐等

63794_1461642213VVNu

萬重: 京都車站PORTA DINING

Day 4 牛丼(早餐) –> 奈良餵鹿 –> McDonald’s (午餐) –> 休息站小休 –> 鈴鹿賽車溫泉酒店 –> 酒店buffet(晚餐)
午餐居然食M記…..全因為我地偉大既導航之神, 帶我地入田入面搵餐廳….. 見唔多對路既關係, 我地唯有食左路邊, 搵間可以有埋停車場既M記入去食個午餐, 題外話, 日本既開心樂園餐既玩具比起香港既吸引好多! 車仔除左有好多細細粒既貼紙, 架車仲要係回力車, 真係連大人都覺得好玩呀!
如果去日本自駕遊, 一定唔好錯過佢地既休息站! 每次搭長途最期待出現既就係休息站, 入面除左有好多手信買之外, 野食都好似好吸引, 去到大型既休息站連冒險練園都有! 話說我地食完M記上高速先見到休息站, 即刻覺得好後悔….點解係食M記….XDDDD, 但我地都係度買左D水果再繼續上路
Day 5 酒店buffet(早餐) –> 鈴鹿賽車主題樂園 –> 休息站(午餐) –> 名古屋 –> 鰻魚四食 –> 電視塔
鰻魚四食係我地一致話好食既名古屋必食推薦! 不過要留意既係呢度雖然有供應兒童餐, 但佢兒童餐都係鰻魚飯黎, 年紀較細既小朋友唔岩食濃味食物記住帶定飯比佢食呀!

63794_1461642207u9Oz

備長鰻魚飯 : Lachi 7樓

電視塔其實就係食飯餐廳附近, 所以順路係車度朝聖一下….冇錯, 當時太凍全車人冇人想落車……XDDD

63794_1461642209iz3b

Day 6 酒店buffet(早餐) –> 龍貓草子次子家 –> 味噌豬扒飯(午餐) –> 酒店休息 –> 味噌鳥冬(晚餐) –> 15樓sky street 睇夜景 –> 名古屋雞翼(宵夜)
味噌豬扒飯, 我覺得好好味, 但同行既幸晴婆婆同姨媽覺得咸左少少, 不過我覺得好味既原因….極有可能係果餐飯幸晴訓左, 我可以抱住佢靜靜地襯熱食…..哈哈哈

63794_1461642205HZ6n

矢場炸猪排 : Lachi 7樓 或 名古屋機場

味噌烏冬, 烏冬係偏硬身, 雖然個鍋好熱, 我廿分鐘後先食, 個烏冬依然係硬, 可惜既係我鍾意食林身既麵, 哈哈, 不過冬天黎食下, 的確係成個人都暖晒呀!

山本屋 : 名古屋站
15樓sky street – 15樓可以做SKY STREET 睇夜景…我講出黎冇人信我, 不斷問係咪51樓呀……結果……真係15樓(51樓都有, 但係要比錢入貴價餐廳食飯先望到風景….), 不過日本樓唔高, 所以其實都算睇到夜景既, 只係香港既夜景好睇得多! 係度最開心既係幸晴! 不斷行黎行去四圍走再跌低都唔會太過騷擾到人

63794_1461643363BOOM

名古屋雞翼, 雖然香港都有分店, 但去到名古屋, 點都要食返次既, 因為餐廳以居酒屋形式, 所以入面係可以飲酒食煙, 為個人健康著想, 我地都係外賣拎返酒店食, 點知落完單, 店員一樣遞上熱毛巾同熱情地叫我坐低等雞翼~~
Day 7 コメダ珈琲店(早餐) –> 收拾行李 –> 名古屋機場
名古屋出名既咖啡店食早餐, 只要叫一杯飲品, 都會送上雞蛋同多士, 我地仲怕唔夠飽叫多份三文治, 發覺真係想太多….不過份三文治都好好味, 主要係因為沙律醬同哇沙比夠正, XDDD
冇打食記,事關湊住個囡,每餐唔係倒飯入口,就係餵飽老世後我個飯已經凍晒…..甚至有D耐歷史既食肆未必有嬰兒餐椅提供…..全程抱住真係唔知放左D乜入口…….所以有好幾間幸晴爸覺得好食既,我又覺得普通…….不過自己出發前做夠資料搜集,所以慶幸冇遇到地雷餐廳啦
一次旅行比一次懶,第一次去台灣又request 定BB床又book 定晒餐廳,到第二次去泰國已經行到邊先決定食咩……到第三次去日本,直接book 2張單人床,我同幸晴一張,居然比起訓BB床佢訓得更安穩, 而媽媽我返到香港居然好懷念同幸晴同床既日子, 係香港, 佢嫌我張床細唔肯訓架….
至於今次我地搭廉航, 實在係一大挑戰! 除左座位較逼, 唔會有第一行坐之外(因為我覺得坐得廉航, 就要平盡佢…), 最重要係行李重旺限制, 去日本, 我居然可以去程買左20kg, 回程買左25kg, 但呢個重量係我,幸晴,幸晴爸三人既總行李重量!
幸好,我係一個唔愛shopping (甚至係討厭)既女人,去日本真係純粹為景色同美食,所以買薯片呢D輕磅美食算係我是次旅行既重點手信,至於BB物品,以下係我七天遊有帶既BB必需品,比起第一次遊台灣,確實帶少左好多野
(溫馨提示, 我去既時候, 日本係0-7度左右)
1. Heat tech (2件放行李,1件著住)
2. 羊毛底衫(1件放行李,1件著住)
3. 衫/裙(2件放行李,1件著住)
4. 褲(2件放行李,1件著住)
5. 厚外套1件 (放行李)
6. 羽絨1件 (著住)
7. 睡袋1件 (放行李)
8. 尿片 30片 (25 片放行李,5片 hand carry放尿片袋, 最後一日發覺用晒, 臨上機係藥房買多2片便利裝以防佢機上開大)
9. 濕紙巾20片裝7包(放行李, 最後用左4包左右)
10. 吸管杯,奶樽,保暖壺,餐具各一(hand carry 上機)
11. 1.5L水2支(放行李)
12. 洗衣液,洗樽液,沖涼液sample 各一小支(放行李)
  • 行李少全靠幸晴已經戒左奶, 我連泵奶用品, 冰袋冰種都唔需要帶
  • 衫褲因為係去7日, 唔會帶足7日既衫, 只係去到酒店手洗掠乾再著, 唔止幸晴, 連我地既衫都係一樣
  • 玩具, 書冇帶, 係去旅行前令佢愛上畫畫, 只要有一支筆一張廢紙佢就可以玩到一大餐, 不過有帶到佢最愛既熊貓背包公仔, 佢自己背住上機
  • 手信方面買既係以輕為主既”唔健康”食品, XDD, 至於去日本必定會瘋狂既BB用品店, 我完全冇PLAN落行程, 因為…我真係好憎SHOPPING, 哈哈哈
  • BB車冇帶, 因為自駕遊既關係, 行得最多係京都果日, 但因為京都既路推車本來就唔多方便, 所以最終決定一條HIP SEAT走天涯
  • BB食物方面, HEA媽我只係第一日有係香港整定2餐, 之後既日子, 一係跟我地食BUFFET / 淡味大人食物, 一係食即沖燕麥飯, 當然BB咁細個食太多大人食物唔好, 不過只係食幾日, 佢返香港繼續食返健康飯…….其實係日本好易買到材料煮BB飯仔, 所以家長們都唔駛太擔心, 只係…我真係懶…..唔好鬧我, 哈哈哈
  • 搭廉航雖然座位比較逼, 不過我反而覺得比較上黎我會比賽安心, 事關廉航都比較嘈, 用埋乘客既容忍度都比較高, 完全冇受人白眼, 仲要前排既姐姐們同幸晴玩, 不過今次兩程幸晴都冇扭計大喊, 只係玩得太開心有喪笑同叫…..去程時候甚至自己畫畫下畫訓著左….
    63794_1457527835fX14
總括黎講, 去旅行帶幾多野最緊要睇地方! 如果去日本呢D咁方便既地方, 如果唔好彩帶漏野都唔怕買唔到野比BB, 不過又諗深一層, 帶得BB去既地方, 又會落後得去邊呀, 所以真係可以放心玩, 輕鬆帶!

原文轉載自: http://wow.esdlife.com/space.php?uid=63794&do=blog&id=308756

分享博客

關於作者

要說點甚麼嗎?

請先登入再發表回應

本網站內所有資料均為©2017 和記旅遊有限公司版權所有。
和記旅遊有限公司 : 旅行社牌照號碼351033
本網站最佳瀏覽器版本為Internet Explorer 11, Firefox及Chrome, 使用其他瀏覽器不能保證能夠正確顯示。

About hutchgoer
hutchgoer is the travel community established by hutchgo.com. Travelers will be able to connect with each other via diversified functions, sharing and experiencing the happiness and excitement of travel together.

關於hutchgoer
hutchgoer是hutchgo.com的一個旅遊社群。透過博客、群組與活動三個主要功能,幫助各位對旅遊充滿熱枕的遊人建立聯繫,互相分享和一同體驗在旅途前後的不同經歷。