[幸魚遊世界 – 台北宜蘭] – 兒童王國民宿 (宜人生活)

作者: roy1103jo
9月 13, 2017
IMG_0989

宜蘭親子民宿多的是, 我地只係住兩晚, 所以忍痛放棄左好幾間, 幸好我地住既民宿真係好好! 兒童王國仲係幸晴去完返黎提得最多既一間民宿!

外表看上去只係一間普通既住宅

民宿有五間主題房, 我地今次揀左森林小屋主題, 其實另外海洋同車主題都好吸引

明明已經上網睇過圖, 但入房都仲會哇一聲, 然後森林房就多左兩隻外來馬嬲一齊玩, XDD

呢間四人房, 有一張大床仲有兩張單人床, 雖然最後我地都係四個逼埋一張床

房間入面仲有D角落可以比小朋友做秘密基地, 佢叫兒童王國民宿真係冇改錯名架, 入面真係兒童既天堂黎架!

秘密基地入面仲有好多玩具比小寶寶玩

仲有一條令幸晴瘋狂既滑梯, 間房入面有滑梯呀! 應該每個小朋友都曾經想有一條滑梯係自己睡房出現, 一訓醒就瀡落去

滑梯上係另一張單人床, 佢地再大D黎既時候, 應該會爭訓呢張床!

民宿外既景色仲好優美

玩左一陣, 民宿主人仲送上冰涼水果茶同熱辣辣雞蛋糕, 呢個雞蛋糕不得了, 好食到停唔到口, 開頭有人掛住玩話唔食架, 結果試左一啖之後就離唔開雞蛋糕

浴缸, 兒童廁板, 冷熱水機, 兒童毛巾都一應俱全, 浴缸旁仲放左玩具比小朋友一邊沖涼一邊玩水

第二朝早餐有中式, 西式選擇, 兒童餐都有得揀中定西架! 中式既白粥係無限量供應, 民宿仲好好咁比我地拎D走, 比煮魚做午餐

不得不說中餐既配粥小菜實在太好食啦! 忍唔住要添白粥, 就係為左繼續食小菜

民宿仲有公主服比小朋友COSPLAY, 我家白雪公主著到發脾氣, 除左係佢一向都冇COSPLAY癮, 二來係佢一心想衝返上房繼續玩

煮魚上房再訓多陣

幸晴就做管家婆管緊班動物手下, 民宿有野玩真係好好, 可以玩到最後一秒先走

臨走民宿主人仲比左兩杯冰凍紅茶我地上路, 實在太貼心啦!! 我好想再去住呀!!! 我答應左幸晴, 下次會再返黎住架! 等我地呀!

宜人生活&兒童王國都有不同既主題房, 由2人房到8人房都有, 仲歡迎包棟, 如果一班朋友一齊去一定更好玩

宜人生活兒童王國親子民宿

電話:0989-604798

地址:宜蘭縣冬山鄉吉祥路569/585號

分享博客

關於作者

要說點甚麼嗎?

請先登入再發表回應

本網站內所有資料均為©2017 和記旅遊有限公司版權所有。
和記旅遊有限公司 : 旅行社牌照號碼351033
本網站最佳瀏覽器版本為Internet Explorer 11, Firefox及Chrome, 使用其他瀏覽器不能保證能夠正確顯示。

About hutchgoer
hutchgoer is the travel community established by hutchgo.com. Travelers will be able to connect with each other via diversified functions, sharing and experiencing the happiness and excitement of travel together.

關於hutchgoer
hutchgoer是hutchgo.com的一個旅遊社群。透過博客、群組與活動三個主要功能,幫助各位對旅遊充滿熱枕的遊人建立聯繫,互相分享和一同體驗在旅途前後的不同經歷。